Y Maer

Maer y Rhyl 2025-2026

Cynghorydd Alexander Walker

“Llais i’r genhedlaeth iau”

Eleni gwnaeth Cynghorwyr Tref y Rhyl ethol eu Cynghorydd ieuengaf i swydd Maer y Rhyl, y Cynghorydd Alexander Walker. Mae wedi dewis peidio â chael consort yn ystod ei flwyddyn fel Maer, ond bydd y Parchedig Helen Gheorghiu Gould, gyda chymorth y Parchedig Janet Crane, yn gweithredu fel ei Gaplaniaid a’i arweinyddion ysbrydol.

Mae’r Cynghorydd Walker wedi cael nifer o flynyddoedd o brofiad fel cynghorydd tref, a’r llynedd cymrodd y cyfrifoldeb fel Dirprwy Faer y dref. Gan fynegi ei werthfawrogiad enfawr o’i gyd-gynghorwyr yn ymddiried ynddo i ymgymryd â swyddogaeth y Maer, dywedodd y Cynghorydd Walker: “Rwy’n dymuno bod yn esiampl and yn eiriolwr ar ran y genhedlaeth iau yn y gymuned, gan ddangos y gall pobl ifanc gael llais a chymryd rhan yn eu cymuned, bod pobl yn gwrando arnyn nhw ac yn eu deall, ac rwy’n dymuno dylanwadu ar a sicrhau newid cadarnhaol.”

Mae’r Cynghorydd Walker yn hynod o ymwybodol o’r cynnydd yn yr heriau iechyd meddwl sy’n wynebu pobl ifanc yn ein cymuned a’i nod ydy cynorthwyo i gael gwared ar y stigma ynghylch iechyd meddwl a chynyddu ymwybyddiaeth am fudiadau sy’n cynnig cymorth a chyngor. Bydd y Cynghorydd Walker yn cefnogi’r elusen iechyd meddwl lleol – Mind Dyffryn Clwyd – fel rhan o’i ddyhead i greu cymdeithas fwy cynhwysol a chefnogol i bawb yn lleol. Dewisodd Clwb Cerddoriaeth y Rhyl fel ei ail achos da. Mae’n fudiad sydd wedi hen ymsefydlu sy’n cynnig llwyfan i feithrin doniau cerddorol unigolion o bob oedran sy’n creu ymdeimlad o undod a chysylltiad ag eraill sydd, yn ei dro, yn gwella llesiant cyffredinol unigolion.